Tír i dtuaisceart na hEorpa is ea Poblacht na Laitvia, nó Poblacht na Laitve. Tá teorainn aici leis an Eastóin, an Rúis, an Bhealarúis agus an Liotuáin. Tá An Mhuir Bhailt in aice léi freisin. Is í Ríge – an chathair is mó sna tíortha Baltaigh – a príomhchathair. Is ball den Aontas Eorpach í. Tá beagnach naoi gcéad míle duine sa príomhchathair. Is í aerfort Ríge an t-aerfort is mó sna tíortha Baltaigh. Tá an daonra chéanna ag Laitvia agus Cúige Laighin in Éireann (2.3 milliún). Bhain an Laitvia amach a neamhspleáchas sa bhliain 1991 ón Aontas Sóivéadach, ar nós leis na poblachtaí iar-Shóivéadacha eile.
